Նյութը՝ SPRING PR-ընկերության
Լուսանկարները՝ Արմեն Սիմոնյանի
Տեղադրվել է 13-12-2017
Բրենդ ամբասադոր Ժան-Միշել Կոշեն՝ Երեւանում
Լեգենդար HENNESSY տան բրենդ-ամբասադոր Ժան-Միշել Կոշեի՝ Երեւան կատարած այցի շրջանակում դեկտեմբերի 13-ին տեղի ունեցավ հատուկ հայաստանյան ԶԼՄ-ների համար կազմակերպված ճաշկերույթ-համտեսը, որն արդեն ավանդական է դարձել:

HENNESSY տան բրենդ-ամբասադոր Ժան-Միշել Կոշեն միջոցառմանը հանդես եկավ բացառիկ վարպետության դասընթացով, որի ժամանակ պատմեց Hennessy տան ժառանգության գաղտնիքների եւ հարյուրամյա ավանդույթների մասին, ԶԼՄ-ներին ծանոթացրեց կոնյակի ստեղծման փուլերին եւ օգտագործման մշակույթին: 



Ժան-Միշել Կոշեի հետ հանդիպման ընթացքում մասնակիցները համտեսեցին կոնյակը գնահատողների շրջանակում ամենահայտնի, մշտապես բարձր գնահատանքի արժանացող HENNESSY կոնյակները՝ V.S. (Very Special), V.S.O.P. (Very Superior Old Pale) եւ X.O. (eXtra Old), եւ փորձարկման, կարծիքների փոխանակման միջոցով ճանաչեցին ու բացահայտեցին HENNESSY-ի առեղծվածը: 



Ներկայացնելով կոնյակի արարման գործընթացը՝ Ժան-Միշել Կոշեն մանրամասնեց. «Ամեն տարվա սեպտեմբերի վերջին եւ հոկտեմբերի սկզբին հավաքում ենք բերքը եւ ստանում խաղողի հյութ: Հետո սկսվում է  ալկոհոլային պերմենտացիայի գործընթացը՝ հատուկ խմորիչի ավելացման միջոցով, որը չեզոքացնում է շաքարը եւ ստեղծում ալկոհոլ: 7 օր հետո հայտնվում է ալկոհոլային պերմենտացիայի առաջին արդյունքը՝ կոնյակի համար օգտագործվող գինին: Մենք կոնյակը պատրաստում ենք սպիտակ գինուց, որն անցնում է կրկնակի թորման գործընթաց եւ արդյունքում ստանում ենք կոնյակի սպիրտը՝ eau de vie-ն: Այնուհետեւ այն պահպանում ենք տակառներում եւ հնեցումից հետո խառնում տարբեր սպիրտները՝ ստեղծելով համապատասխան համաբույլը: Կրկնակի թորման փուլից եւ նվազագույնը երկամյա հնեցումից հետո ստացված սպիրտը կարող է Hennessy կոնյակի մաս կազմել»: 



Ժան-Միշել Կոշեն հատկանշում է, որ կոնյակի համար օգտագործվող գինին ունի մեծ թթվայնություն եւ ալկոհոլային ցածր տոկոս՝ 8-10%՝  ի տարբերություն  բրենդիի, որի արտադրման համար օգտագործվող գինիները պարունակում են ալկոհոլի մեծ չափաբաժին: 



Շարունակելով խոսել կոնյակի ստեղծման փուլերից՝ Ժան-Միշել Կոշեն պատմեց, որ երկրորդ փուլը թորումն է, որի միջոցով ջուրն առանձնացնում են ալկոհոլից, քանի որ  հիմնական եւ անհրաժեշտ համային հատկանիշների կրողը հենց ալկոհոլն է. «Թորման գործընթացը տեղի է ունենում փոքր տնակներում, որտեղ մարմանդ կրակի վրա եռացնում ենք գինին եւ ալկոհոլային գոլորշիների հեռացման արդյունքում անջատում ենք խմիչքի երեք բաղադրիչները՝ «սիրտը», «գլուխը» եւ «պոչը»: Սակայն օգտագործում ենք միայն «սիրտը», քանի որ ալկոհոլային կոնցենտրացիան լավագույնս դրսեւորվում է հենց «սրտում»»: 



Ի դեպ, Hennessy կոնյակների հնեցումը տեւում է տասնամյակներ եւ նույնիսկ դարեր: Կոնյակի սպիրտները պահվում են Hennessy-ի տան կիսամութ մառաններում, հասունանում Լիմուզին անտառի դարավոր կաղնիներից պատրաստված տակառներում:



HENNESSY տան բրենդ-ամբասադոր Ժան-Միշել Կոշեն տեղեկացրեց, որ Hennessy կոնյակի մաս կարող է դառնալ միայն Ֆրանսիայի 4 շրջանների՝ Բորդերիի, Ֆան Բուայի, Գրանդ Շամպայնի եւ Փըթիթ Շամպայնի խաղողի այգիների բերքից ստացված կոնյակի սպիրտը: Անգերազանցելի եւ անկրկնելի խաղողն աճում է հենց այդ շրջաններին բնորոշ կավահողերով այգիներում: 



Այն հարցին, թե կոնյակն ինչու է համարվում թանկ խմիչք, Ժան-Միշել Կոշեն պատասխանեց, որ դա բնական է, քանի որ այն երկար ճանապարհ է անցնում, եւ 9 լիտր գինուց ստացվում է ընդամենը 1 լիտր կոնյակ:  

Ժան-Միշել Կոշեն ծնվել է 1952 թվականին Տոկիոյում: Իր մանկությունը նա անցկացրել է մի շարք երկրներում` Վիետնամ, Սինգապուր, Մալայզիա եւ Մադագասկար:



Վերջին 32 տարիների ընթացքում Ժան-Միշել Կոշեն աշխատել է գինիների եւ ոգելից խմիչքների արդյունաբերության ոլորտում: Արդեն 23 տարի է, ինչ նա հանդես է գալիս որպես Hennessy տան բրենդ-ամբասադոր: 2000 թ.-ից որպես Hennessy տան բրենդ-ամբասադոր Կոշեն իր ժամանակի մեկ քառորդը ծախսում է ճանապարհորդության վրա՝ այդպիսով շփվելով  աշխարհի տարբեր ծայրերի կոնյակի սիրահարների հետ եւ նրանց ներկայացնելով Hennessy տան ժառանգությունը, գիտելիքներն ու փորձը: