Նյութը՝ ԱՐՄԵՆՊՐԵՍ լրատվական գործակալության
Լուսանկարները՝ համացանցից
Տեղադրվել է 2020-06-26 18:00
ՀՐԱՁԻԳՆԵՐԸ ՄԱՐԶՎՈՒՄ ԵՆ ՓՈՔՐ ԽՄԲԵՐՈՎ
Հայաստանի հրաձգության հավաքականի անդամները մարզվում են փոքր խմբերով և տարբեր ժամերի:

Այս մասին հայտնեց հավաքականի գլխավոր մարզիչ Սեյրան Նիկողոսյանը: «Նախատեսել էինք այս ամիս ուսումնամարզական հավաք անցկացնել Գյումրիում, սակայն արտակարգ դրության և վիրուսակիրների թվի բարձրացման պատճառով տեղափոխել ենք հաջորդ ամիս: Հիմա հավաքականի անդամները մարզվում են փոքր խմբերով և տարբեր ժամերի` պահպանելով անվտանգության բոլոր նորմերը»,- ասաց մարզիչը:

Նիկողոսյանի խոսքով` դեռևս հայտնի չէ, թե մարզիկները երբ կսկսեն միջազգային մրցաշարերի մասնակցել: «Բոլոր վարկանիշային մրցաշարերը դեռևս կասեցված են»,-շեշետեց մասնագետը: